عندي كلمة أحب أقولها

Folder:

عندي كلمة أحب أقولها عن مصيري وعن مصيرك

أيه كسبتي بعد فراقي غير ألم عذب ضميرك

مالقيتي معاي سعادة وما قدرته أحن لغيرك

إنتي لو ضحيتي زيي في سبيل مبدأ وفكرة

أو وقفتي تشدي أزري لما كانت عيشتي مرة

كنا نتخطى المصاعب وننتصر في العمر مرة

بس هربتي تركتي قلبي بي جفاك واطيلو جمرة

ماصبرتي معاي شوية وما رضيت أتخلى عنك

كنته أقوى من الأعادي وأقوى من شكك وظنك

إحتفظته بوعدي ليكِ وماإلتزمتي بكلمة منك

وفي النهاية بقت خصومة تحكي ظلمي وأشكى غبنك

أيه جنينا من الليالي ومن حديث الحب ترانا

من دموع البهجة فينا وضحكة الأحزان معانا

من ثقافة مات عقولنا ومن أمل ظلل سمانا

غير جراحاتنا الكبيرة غير أعاصير في دمانا

سيف الدين الدسوقي

PostPoems Be Artistic. Be Creative. Be Inspired!