Author Information
كلمات أغاني عقد الجلاد / الأهلية
Folder:
الشعر الغنائى الأهلية
الأهلية كملت يا حبيب راحت
يا حليل شمس المحنة الغرَّبت طاحت
بسم الله ابتديت متل البرق لاحت
فى الشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت
مالك يا زمان شبعتنا هولا
لبست الناس تيابا حاشا مى هولا
يات من كان يجي دمَّاعو مبهوله
ولله راحت بقت البواجهوله
مالك يا زمان شبعتنا وح ووحيح
صح الدون كضب
كضب العوالى صحيح
يات من كان انا جعلتو لى صليح
عقرب حزّه لى ويا نفسي زين ومليح
فى احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير
تُب الشباب إن بقى كوَّاس
تُب الصبي إن قطع المروة خلاص
تُب الشايب إن بقى وسواس
تُب الأقربين الإتفاتتو الأنفاس
