Author Information
معادله مختله
Folder:
من ليالى النزيف والموت ف درب الارض الخارجه
عن المالوف
ممزوج الخوف
ببقايا الحلم
المسجون ف الدهاليز
مقتول النبض
بكل وريد
بيحاول مره
يشق طريق للرمز
الرمز المسبى فوق
انفاق الوهم
وفحيح الحيه
ف كل مكان
من غير احكام
او حتى قيود
بيدمر اى خليه
تفوق
ممنوع
على نبت الارض
يمد جدور للداخل
مسموح له يكفن
روحه بروحه
ف وقت الموت
اكمنه بيحلم
انه يضلل فوق
البيت بفروعه
ويجمع كل طيوره الشارده
على الاغصان
يتفاجىء ان
الدود قطعان
بتفتش جوه
البيت والغيط
بتنخور
جوه نخاعه الاخضر
لاجل ما تمحى
الفكره الطارحه
جوه عيونه
ولكنه
برغم بشاعة الدود
بيعيش
مع انه يدوب
لسه
بيتهجى سنينه
******
