Author Information
حتميه
Folder:
من ليالى النزيف والموت اقرى الفاتحه على روحى
واتشاهدى ف سرك
لحظة ما اتمخضك
فرعون متربص لطفلك المولود
خايف
تتحقق نبؤة العرافه
واليم يا امى
هياخدنى لباب الهلاك
لا اختى هتعرف طريقى
ولا انتى هتكونى المرضعه
هامان هيجمع كل السحره
عشانى
واحتار لما ارمى عصايتى
تاكلها حبالهم
من خوفى
راح اشق البحر واهرب
وانا عارف
انى اكيد ف البحر
هاموت
ما انا اصلى
مصيرى عرفته
من قبل ما اخطى بروحى
حدود الدنيا
يا اموت بالحسره
يا اما السكته
وبرضه هاموت
*********
