Author Information
ثورة الغضب
Folder:
عاميَّة رافع دراعي ورايتي سلمية
سلمية....
وابن البلد راجل ويفصل من البشر مية
بهتف بلادي عيشي حرة أبية
سودت صفحة يافطتي بكلام يوديني اللومان
بس كان محبوس في صدري من زمان
ده كلام جنان
من قبل ماوصل للميدان
ده كان جنان
حتى اسألوا في العباسية
أوحتى ممكن تسألوا عن قرة ميدان
رحت الميدان
وهتفت فليرحل مبارك والنظام
بس بنظام
لا حدفت طوبة
ولا شيلت شومة
ولا حتى من غيظي نطقت بأي كلمة مش تمام
ماشي بسلام
بارمي سلامي ع اللي رايح واللي جي بالابتسام
وتقولي خاين
ياحكومة لا دانتي اللي خاينة
ماتشوفي مين فينا اللي باع
الغاز بلاش لاجل الصهاينة
ماتشوفي من فينا اللي باع
أرض الغلابة للقصور
ماتشوفي مين علّى بحديدنا
لليهود أوطان وسور
ماتشوفي من فينا اللي كسّر كل جسر وطفّى نور
أنا شفت ضيّ الشمس بعد العتمة فقت
وبكل قهرك وبإهانتك ليّا من يوم ما اتولدت
حرمت أصبر تاني على ظلم اللئام
حختار قيادتي بإيدي اللي تعاملني باحترام
وده مش كلام في الأرض لأ....خلص الكلام
