Author Information
الفصل
Folder:
عاميَّة أول حضور ف الفصل
والعام يادوب تمانين
والعمر ست سنين
وعيوني مذهولة
ملتاعة مبلولة
والدنيا مغسولة
في الصبح من بدري
قالتلي كون راجل
شاورت خلاص حامشي
إوعك يا واد تجري
رديت أنا حاضر
-فاكر غداك
فاكر
نقطة حليب الغصب
ع المريلة وقعت
باينة على صدري
قفلت ما بينا الباب
خبطت على التختة
سكت البكا شخطت
صرخت بلاش خوتة
كتبت على الحيطة
السودة بالطباشير
تاريخ ميلادي شمال
ويمين تاريخ هجري
أول حضور في الفصل
الزي كان واحد
صوت النشيد واحد
أول دروس لاعداد
كان العدد واحد
ليلة حضور الفصل
كان اصله اخر يوم
ماكونشي فيه ملضوم
في طابور ورا واحد
والقلب كان مهموم
بالفسحة من بدري
