Author Information
دخلك يا امي
Folder:
عامية دخلك يا امي
دخلك يا امي ليش دوبني الهوى
وبالقلب جرحي المكتوي مالو دوا
صارلو حبيبي القلب غايب من سنين
الظاهر يا امي برجعتو ما في نوى
بنتك على غياب الولف صارت تنوح
والشوق يفتح في حناياها جروح
راح الجرحني لمين من بعدو ببوح
يبليه ربي مثل ما قلبي ابتلى
تاري الحب عذابه كبير
اكبر من الفرح اكبر بكثير
لقالوا الهوى سعد للعاشقين
يشوفوا قلبي من الهموم انتلى
دخلك يا امي اولك بيرجع لغاب
ولا نسينا وتسكرت كل لبواب
بعدني ناطرة وحاملي بايدي كتاب
كتاب قصة حب كان... وانقضى
***
*
*
*
نتاليا
