Author Information
يا بحر
Folder:
عامية يا بحر
يا بحر يا هدار لكلك اسرار
بعشقك يا بحر بس انت غدار
وألله زمان لنسماتك اشتقنا
لمواجك وشمسك تلونا بسمار
رجعت بعد فراق اوقف قبالك
واغرق بحلم جديد واتأمل جمالك
مواج تموج قدامي وتحضن رمالك
وحاكي فيك الصدى والقلب محتار
يا ريت مواجك تحملني لأبعد دني
اللي فيها الحب والعيش الهنيء
لا فيها شقى ودموع ولا حب توهني
انسى سنين العمر المرة وكل لصار
أنا يا بحر عذبني الهوى
دوبني القهر وما منه نوى
حبيت سحر العين لكلها غوى
تاري الحب غدار بيكوي بنار
بنار الشوق يا ناس قلبي بيدوب
ضيعت دليلي وتاهت مني دروب
وما كنت يوم عن هواه اقدر توب
غدار يا بحر وحبي متلك طلع غدار
***
*
*
*
نتاليا
