Author Information
كلمــــــــــــــــــــــة…………
Folder:
مذكرات
كلمــــــــة
اكتبهالي……
ارسمهالي………
غنيهالي…….
باي طريقة قولهالي
و حسسهالي…..
محتاجة حبك
رجعني حضنك
مش عايزة منك
غير كلمة واحدة قولهالي
كلمة واحدة مش اكتر
و الدنيا في عنية تزهر
و شجرة عمري الدبلانة
من تاني تحيي وتزهر……قولهالي
قولها و عيدها..قولها و عيدها كمان وكمان
اد ايه وحشاتي الكلمة دي من زمان
دي سر حياتي
و ابتسماتي
اخر المطاف…و بر الامان…..
طوق النجاة اللي معناه….
الفرق بين الموت و الحياه…..
قولهالي..قول
ده مش معقول
الكام حرف دول
معناهم ايه بالنسبة لي
اكتبهالي..ارسمهالي.. غنيهالي
باي طريقة قولهالي.. و حسسهالي
قول..قول……,,,
يولا عوض
***
كفايه يا قلبي
كفايه يا قلبي بطل دق
اعرف بقي ان الله حق
كان حد يعني باقي علينا
يستاهل دمعه من عنينا
كان حد اخلص
كان حد حب
اد ما اخلصنا و حبينا
كفايه يا قلبي بطل دق
ايه يا قلبي
لازم تدوب عشان تتوب
لازم تموت عشان تنساه
لامتي هتغفر كل الذنوب
لامتي هتصبر علي قساه
باع حنانك
و بقسوة خانك
لسة شايفه يستحق
لأ يا قلبي و ميت الف لأ
كفاية بقي و بطل دق
…..يولا عوض
***
بتحداكي
ايوه انت
العصفورة البريئة
الطايرة في السما
الخطوة الجريئة
الانثي المغرمة
ايوة انت الحقيقة
ايوة انت..انما
انا بتحداكي
يا قمر عالي في سماكي
انا بتحداكي
بقوة حبي ليه .. انا بتحداكي
بحناني بايماني بيه .. انا بتحداكي
ان يوم ادي تحبيه… انا بتحداكي
ووجودك حتي تلغيه … انا بتحداكي
بوفائي
باحتوائي
انا بتحداكي
و عشان كده بترجاكي
بترجاكي
اد ما تقدري فرحيه
و اوعك
اوعك يوم تجرحيه
صونيه في عنيكي
وحياة عنيكي
ده كنز
و الكنز ده النهارده
بقي في ايديكي بتحداكي
و بترجاكي
…..يولا عوض
