صرلي زمان يا ناس عايشي بغربي
وكلمة آخ ما قلت ولا شكيت يا ربي
صبرت سنين عالبعد والشوق بقلبي
وقديش يا قلب بقدر اتحمل عذاب
***
قلبي تلوع بنار عا فرقة حبابي
وما عاد عندي صبر أتحمل عذابي
ناطره شي يوم يرجع يدق عا بابي
واغمرو بلهفت العاشق من بعد غياب
***
يا أهل الهوى عالهجر لا تسألوني
عا غيابو ما نشفت الدمعات بعيوني
بنام والدمع جمرعا مخدة ظنوني
ما يكون حبنا كان وهم و سراب
***
لا تلوموا عاشق عالبعد والهجران
وحبيبو أقسى من حجر صوان
يما بعتت مراسيل ملياني حنان
لا حن قلبو ولا رد عليي الجواب
***
لا تسألو كيف بسهر ليالي حزيني
ليالي فيها الشوق نار بتكويني
و طيفوا لما يمر قبالي بلهفت حنيني
بغمض عيوني وبعيش حلم كذاب
***
صرنا بهالعمر يا قلب بأخر العنقود
الكرم أستوى وبعدك بقلبو موعود
يرجع يطفي لهيبك وبحنانو يجود
وتحلى ليالي العمر برجعت الأحباب
***
نتاليا
|
|
