Author Information
2 سعرى كام فى زمن النسيان
Folder:
مقطوعات شعرية وردى عليها يا صاحبى عايز تعرف ايه ثمنى فى سوق الإنسان؟
تسمح لى أقولك وقلبى يقطر أحزان
تفتكر ثمن قلب بيحب الخير لكل انسان
ولا قلب بيعشق الرومانسية فى كل زمان
ولا قلب بيهتز من كثر حبه لله وبيحس بالأمان
ثمن القلب دا كام فى زمن الجمود والنسيان
فى زمن الجحود والنكران
فى زمن كله كره وظلم للإنسان
ياترى ثمن عقل كله ذكاء وعمل
فى زمن الأغبياء والكسل
عقل مبدأه الشجاعة والأمل
فى زمن الضعف وخيبة الأمل
عقل كله صمود بلا كلل
فى زمن كله تراخى وخذل
زمن فيه النذاله ذايبة فى معظم البشر
فى زمن القسوة والألم
زمن السطوة والقهر والندم
عقل كله ابتكار وعزيمة وهمم
فى زمن قتل العزيمة وزيف الذمم
فى زمن كسرة النفس اللى مرسومة فى وش البشر
تفتكر قلب نسيجه من الصدق والوفاء
يكون ثمنه ايه فى زمن الكذب والرياء
ايه ثمن التضحية والعطاء
فى زمن الأنانية والإفتراء
يعمل ايه عقل حر
فى زمن العبودية والإنكسار
يعمل ايه اللى عنده عزة وكبرياء
فى زمن الذل والنفاق
الزمن دا مش زمنا
احنا قلوب هدها الحزن والألم
من فرط الغربة اللى بنعيشها حتى وسط الأهل واللمة
زى أهل الكهف لما هربوا من كثرة الكمد
هنفر إلى الله ونسكن الجبل
احنا زى الشجرة القوية
اللى اتزرعت فى ارض السراب والوهم
وطلعت فى زمن الضياع والهم
لكننا دائما هنفضل صامدين ولا يهزنا اى محن
بنقاوم الريح مهما كانت عنيفة وبتهز البدن
احنا فى زمن
ضاعت فيه الأخلاق والمبادئ الجميلة فى حوارى الزمن
وبقت رخيصة من غير ثمن
وذابت حروف اللغة بين كلمات بلا معنى أو هدف
يا عينى على الفروسية والشجاعة والأمل
اللى ضاعت فى زمن الضعف واليأس والخذل
يا حسرتى على الحب اللى تاه فى بير الحقد والهم والحزن
وعلى الصدق والأمانة اللى اختفوا بين رمال الرياء والكذب
يا صاحبى
خلينا نعيش غربتنا فى زمانهم
لإننا مش هنقدر نشوه اللى جوانا زى ما اتشوهت اخلاقهم
ولا هنقدر نعوم مع التيار اللى اخدهم
فيا ريت ما تسألش عن ثمن الأصالة فى فتات أيامهم
نجلاء محمود
