PostPoems Be Artistic. Be Creative. Be Inspired!

تايه انا ما بين الوهم و النسيان

تايه انا ما بين الحب والحرمان

بين حلمي و ذكرياتي

باحبك

وعارف ان حبك مستحيل

بعشق انفاسك

بسكن نبضاتك

وعارف انى مش ممكن فى يوم اكونلك حبيب

حلمت وحلمى مش كبير

حلمت بيك و ببيت صغير

وسط الجناين وحقول كثير

حلمت بيك

ولقيتك يا عمرى

عشت احلامى فى عينيك

لمست الحنان فى صوتك

حسيت بالأمان جوا قلبك

لكنى كنت عارف انى  مش حكونلك فى يوم حبيب

لا حاقدر اشرب من نهر حبك

ولا حاقدر فى يوم ادوب فى حضنك

ولا يمكن يجى يوم والمس ايديك

لإنك حبى المستحيل

فضلت تايه مابين حلمى و بينك

حاولت انسى حبك

واعيش حياتى بعيد عنك

حاولت اهرب منك

لكن جوا دمى لقيتك

ساكن انفاسي و روحي

ساكن قلبى وجروحى

ساكن كل حته منى

لا قادر انساك

ولا قادر ابعد عن سماك

ولا حتى قادر اقرب منك

بحبك بجنون

وقلبى بيك مفتون

وروحى بروحك ساكنة السكون

هاعيش عمرى تايه

ما بين حبك وحلمى بقربك

ما بين نسيانك وبعدى عنك

بحبك يا اغلى حلم فى حياتى

يا اجمل وهم عشته ساكن خيالى

عمرى ما حانسى فى يوم حبك

ولا الدفا اللى فى ايديك

ولا الأمان اللى فى عينيك

حاعيش العمر جنبك

حتى لو على هامش قدري و زماني

ولو اتعذبت العمر كله

لإنى من غيرك انا ميت

ونهاية عمرى بعدى عنك

بحبك وعارف انى مش ممكن فى يوم حاكونلك