PostPoems Be Artistic. Be Creative. Be Inspired!

غريب ونفسى

ارجع أحضن الوطن من ثانى

اتعطر بترابه... واغسل فى نيله ذاتى

اغرق فى بحر حب اهلى وخلانى

برد الغربة دوبنى

وقسوة الناس تعبانى

دفا القلوب واحشنى

وحب الحبيبة ندانى

فى حضن امى

عايز ارمى نفسى

اشرب من حب حبيبتى

اروى عطشى فى احضانها  

وحشتنى عيناها... كلامها... أنفاسها

وحشنى دفا عيونها

وحشتنى رقة كلامها

وحشنى  عبير  انفاسها

اشتقت لورود خدودها

شجرة صغيرة

من زمان جوه بيتنا

زرعتها

وياما بدموعى روتها

طفولتى شهدت على شقاوتها

على مراحل شبابى اللى عشتها

عن حبى ياما اشتكت لها

عن غربتى عايز ارجع و احكيلها

وازرع زهور حبيبتى فى ظلها

ونرويها سوا

وارجع دفا عمرى

واطفى نار غربتى فى أحضانها