PostPoems Be Artistic. Be Creative. Be Inspired!

دى حفلة حفلة

حفلة إيه
حفلة ع الخازوق يا بيه
ما تسيب مراتك تتزوق
يللا وروق
لا زواق هينفع ويحوق
عندنا مونجيه
برقوق ورمان تلاقينا
مننا فينا
دى حفلة منا هترضينا
لو جتنا يا بيه
ما تقول أوكيه
ما تقول أوكيه
ما تقول أوكيه
-------------
شرف هنا
يا عم يا نجار
وإعمل صندوق
نملاه برقوق
وبعد ما تخلص وتروق
قوللى ع الحال
ده كل من يوزن موال
قال إيه زمار
-------------------
قالوله يربط فيه صاحبه
ربطة دورمان
والجنتلمان
ما صدق إنه لقاه مصاحبه
قال ده إنت أمير
عامللى فيها سعادة البيه
بتلاتة جنيه
مربوط مرتب حوش فيه
والإسم مدير
----------------
وسلام كبير آه يا لالالى
للدرملى
جناب حسيب الأرمللى
شرف منقول
ما سك لى سبحة وتلاقيها
عقد فكيهة
وخدته منها
طمع فيها
ما تقولش أصول
-----------------------
وهاتو حلة وطشت كبير
وكلوب دو مانير
بور لا منيستير
عشان جنابه يبقى سعيد
فى الأوفرتير
جنابه سايب وزاراته
وفى ستاته
بيعد فيهم هاتو هاتو
يا طراطير
-------------------
بحضور جناب سيدنا الوالى
طب وأنا مالى
أيوه يا عالم على حالى
ما كوتنى النار
أوكيه يا ويكا
مفيش أزمة
غير فى الجزمة
رابطنى فيها بدون لازمة
ما تقولش شعار
مساعدة منك يا أخينا
بتدبح فينا
ده قمحك اللى مخلينا
عايشين أنفار

محمد النويهى