Author Information
Paalam
Folder:
Filipino poems Nilunok mo ang hiya
ngunit binarahan ng hikbi.
Nanginginig ang iyong labi
habang kumakawala ang mga salita.
Umaalingasaw ang pangamba.
Umaalingawngaw ang kaba.
Nawala ka sa aking paningin
nang pwersahang
pumasok ang mga salita
sa aking tenga,
sumayaw sa aking isip
sa saliw ng iyong tinig.
Inihugis ko sa hangin ang pagtanggi.
