Author Information
Cadbury
Folder:
Filipino poems
Natakam sa tsokolate
na sa mesa'y natagpuan.
Kay tagal pinagmasdan.
Marahang binalatan.
May pag-aalinlangang tinikmanâ–¬
matamis
mapait
lasa'y nagsasalit-salit.
Napukaw ang gutom
at pagod
sa unti-unting pagputol
at pagsubo.
Habang natutunaw
sa nanlalamig na kamay
at napipiping bibig,
nagising
ang himbing na damdamin
at tsokolate'y nagmantsa
sa aking isip.
