Author Information
Philophobia
Folder:
Filipino poems Kung
mahigpit akong hahagkan
at tahimik na bubulungan.
Malulunod
ang mga
salita.
Aalingawngaw ang pagdududa
sa hilong isip.
Bilanggong mga salita ay uungol
mula sa tuyong mga labi.
Takot ay kukulog
sa naninikip na dibdib.
Pagkabalisa ay mag-ngingitngit
sa malamig,
pawisang katawan.
Nanginginig na mga paa
ay dadagundong palayo.
Sa katahimikan
ng aking sangtuaryo
mananatiling namamahinga
hanggang sa damdamin
ay mapipi.
