Author Information
Music Collaboration
Folder:
Filipino poems Halika sa aking mundo at umawit.
Subukin mong sabayan ang tumatangis
na mga puting kwerdas sa aking ulo
at vibrato ng mga linya sa noo.
Lapatan mo ng rock ang tugtog kong klasik.
Dinggin mo ang de crescendo ko na tinig.
Higit itong lalamyos kung may kahimig▬
akin ang mababa, mataas ang sa’yo.
Halika sa aking mundo.
Magpakilala ng panibagong adlib
bago pa tambol ay kumabog sa dibdib.
Umawit hanggang sa pasapit na dulo.
Sa huling kumpas at pawala kong tono;
maiiwang walang saliw ang 'yong tinig
Halika sa aking mundo?
