Author Information
Lumalakas buhos ng ulan sa bubong
Folder:
Filipino poems Lumalakas buhos ng ulan sa bubong
Ngayon tahimik ang buong kabahayan
‘Di na alintana ang sakit ng tumbong
Ako’y lumarga tungo sa kakahuyan
Ngayon tahimik ang buong kabahayan
Binalot mga damit na bibitbitin
Ako’y lumarga tungo sa kakahuyan
Palayo sa kahapong aking pasanin
Binalot mga damit na bibitbitin
Sukbit sa balikat na may bahid itim
Palayo sa kahapong aking pasanin
Palayo sa buhay na puno ng rilim
Sukbit sa balikat na may bahid itim
Kahit pa masakit mga pasang taglay
Palayo sa buhay na puno ng rilim
Pangako sa sarili ay bagong buhay
Kahit pa masakit mga pasang taglay
Ako’y mananakbo palayo sa iyo
Pangako sa sarili ay bagong buhay
Malayo sa malulupit na kamao
Ako’y mananakbo palayo sa iyo
Bago dignidad ay tuluyang mapawi
Malayo sa malulupit na kamao
Sa iyong pananakit, sa buhay na sawi
Bago dignidad ay tuluyang mapawi
Malupit na pakitungo’y tataksan
Sa iyong pananakit, sa buhay na sawi
Kahit pa umiibig, ako’y lilisan
Malupit na pakitungo’y tataksan
‘Di na alintana ang sakit ng tumbong
Kahit pa umiibig, ako’y lilisan
Lumalakas buhos ng ulan sa bubong
