Author Information
Sulit naman ang kayod
Folder:
Filipino poems
Gasino lang ang sahod sa trabaho ko
Sa umaga’y tulog, sa gabi ay gising
At kapag tinoyo pa ang aking amo
Obertaym pa ang dapat na ako’y himbing
Subalit ‘di makareklamo sa pagod
Dahil wala namang ibang magagawa
Ama’t ina, magisang nagtataguyod
Tatlong paslit, alaga, kana’t kaliwa
Sa umaga ay himbing, ama sa gabi
Sa hapon ay ina, may dagdag raket pa
Pagsulat, pagkanta, maging ang paghabi
Lahat para sa mga anak na sinta
At ang pantanggal ng pagod sa maghapon
Ay kanilang halik at ngiti na ipon
