Author Information
Naalala kong kailangan kita
Folder:
Filipino poems Naalala kong kailangan kita
Nang magpalit ang araw at gabi
Lumuha ang aking mga mata
Ngalan mo’y namutawi sa labi
Nang magpalit ang araw at gabi
Lungkot sa puso ko ay dumaloy
Ngalan mo’y namutawi sa labi
At aking utak ay nagpalaboy
Lungkot sa puso ko ay dumaloy
Nangungulila sa iyong yakap
At aking utak ay nagpalaboy
Ang ating kahapon ay nilanghap
Nangungulila sa iyong yakap
Nadaramang iyo nang nilimot
Ang ating kahapon ay nilanghap
Halimuyak nito ay may kirot
Nadaramang iyo nang nilimot
Ang nakaraang pagmamahalan
Halimuyak nito ay may kirot
Tila ayaw ko nang maranasan
Ang nakaraang pagmamahalan
Kay dilim, wala nang mga kulay
Tila ayaw ko nang maranasan
Nang matanaw ko ang aking buhay
Kay dilim, wala nang mga kulay
Lumuha ang aking mga mata
Nang matanaw ko ang aking buhay
Naalala kong kailangan kita
