Author Information
Dahilan ng buhay
Folder:
Filipino poems Munting daigdig mo’y muntik nang gumuho
Hindi pa man nakikita’y mayroon nang banta
Kundi sana sa matang mapagmatyag
Mundo mo’y nagunaw na
Munting mata mo’y muntik nang lumuha
Ng dugo para sa buhay na ipagkakait sana
Kundi sa pwersang makapangyarihan
Ikaw sana’y isa na lamang ala-ala
Mapalad kang nilalang na binantayan
Ng kapangyarihan ng pangmamahal na wagas
Hindi man sa pinagmulan mo ng buhay
Ito nama’y mula sa mas mataas
Mapalad kang nilalang na ngayon ay mumulat
Magbibigay pag-asa sa mga kaluluwang ligaw
Ikaw ngayon ay magiging liwanag
Sa mga buhay na muntik nang mapabayaan
Mapalad ka nilalang
Mapalad kang mabuhay!
