Author Information
Boy bawang at cornbits
Folder:
Filipino poems Makalabas nga saglit
At sa tindaha’y makikipalit
Pisong boy bawang o cornbits
Mula sa konting nakaipit
Sa kalupi kong maliit
Na laman ay isusulit
Sa araw araw na sasapit
Kahit ako’y nagigipit
Meryenda pa ri’y ipipilit
Para sa munting paslit
Na mahilig mangalabit
Sa tuwing hapon ay sasapit
Maguumpisang mag-ngitngit
At sa binti ko’y kakapit
Hindi bibitiw kahit saglit
Hangga’t ako’y may isingit
Na boy bawang o cornbits
Sa bulsa n’yang maliit
Kaya ngayon kahit maiinit
Lalabas ako saglit
Piso kong nakaipit
Sa tindahay’y ipapalit
Ng boy bawang o cornbits
