Author Information
Halubigat
Folder:
Filipino poems Hahayaan kitang lumangoy.
Kapag ako ay natutuhang labanan
sa tamang paghawi
sa tamang pagkawag
sa tamang pagpihit sa katawan
kahit pa utusan ng buwan
na tumaas
o bumaba
ang tubig,
hindi ka kailanman malulunod.
Hahayaan kitang tumakbo.
Kapag ako ay natutuhan salubungin
sa tamang pagyuko
sa tamang pagbaluktot ng tuhod
sa tamang pag-angat ng paa
kahit magbago ang anyo ng lupa
paahon man
o palalim
ang kurba,
hindi ka kailanman matutumba.
Hahayaan kitang lumipad.
Kapag ako ay natutuhang sabayan
sa tamang bukas ng pakpak
sa tamang pagbanat ng katawan
sa tamang paninimbang
kahit pa umihip
ng malakas
o mahina ang hangin,
hindi ka kailanman liliparin
patungo sa kawalan.
Ako
ang maghahatid sayo
sa sukdulan,
hihila,
pabalik
tungo sa una mong singkad
sa pusod
ng katotoohanan.
