Author Information
Huwag ako
Folder:
Filipino poems Huwag mo akong pangarapin
Hindi ako ang babae para sa iyo
Huwag mo akong isipin
Hindi ako ang hinaharap mo
Hindi ako tulad ng iyong akala
Hindi ako ang Maria Clarang irog
Hindi ako ang dapat mong sinisinta
Sa puso mo ako ay isang bubog
Hindi matamis ang aking labi
Bawat salita nito ay may pait
Ang puso ko na mistulang sawi
Namumuhay sa higanti at galit
Kaya pilitin nang malimot
Ang pagtingin at pagmamahal
Pagkatao ko sa dilim ay balot
Lalamunin maging iyong dangal
