Author Information
Ang aking kaligayahan
Folder:
Filipino poems Ang kaligayahan mo’y kaligayahan ko rin
Pagibig ko’y higit sa sukat ng mundong umiinog
Kung kinakailangan, ika’y aking palalayain
Sapagkat nangakong ika’y paliligayahin
Walang kapalit na hihingin sa alay na pagirog
Ang kaligayahan mo’y kaligayahan ko rin
Kung sa puso mo man pag-ibig ay hahanginin
At ngalan ng iba ang doo’y dadapo’t matutulog
Kung kinakailangan, ika’y aking palalayain
Ang iyong kaligayahan ang aking dalangin
Nang sa ganon sakit sa puso ko ay ‘di na bububog
Ang kaligayahan mo’y kaligayahan ko rin
Kung idikta ng panahon na ako’y limutin
At sa bisig ng iba ika’y maligayang nahulog
Kung kinakailangan, ika’y aking palalayain
Kahit sa kabilang buhay ika’y mamahalin
Lahat sayo’y iaalay, ngiti mo lang ay mahubog
Ang kaligayahan mo’y kaligayahan ko rin
Kung kinakailangan, ika’y aking palalayain
