Author Information
Ang anghel
Folder:
Filipino poems Ang iyong ngiti, pampawi ng lungkot
Na sa puso ko’y naglagi’t nanunuot
Sa iyong pagdating, galak ay sidhi
Pampawi ng lungkot ang iyong ngiti
‘Di sasapat makakatang salita
Ang dulot mong ligaya ay dakila
Sa sanggol na sa braso ko’y lumapat
Makakatang salita ‘di sasapat
Mga hagikhik mo saki’y ay musika
Kay lalakas man ngunit kay halina
Biyaya sa’kin ang bawat kilos mo
Saki’y musika mga hagikhik mo
Ikaw na anghel sa akin ay gabay
Sa buhay ko ay nagbibigay kulay
At sa mundo ko ngayon iyong papel
Sa akin ay gabay ikaw na anghel
