Author Information
مصري وشامية
عزيزتي ميرال
بعد التحية
كيفك يا بنت الحلال
اشتقتلك وبعدك طال
ولا نسيتك
اشتقتلك
متل طير بدون جناح
لا فيه يطير
ولا يرتاح
متل عين بدون نهار
لا فيها تشوف
ولا تختار
ولا تحكي ولاتشكي
ولا تبكي
على اللي صار
اشتقتلك
تعبت من غيابك
وصارت ايامي مالها طعم
والجرح اللي انجرحه قلبي
لفراقك ما بيتلم
ولا باهدا
ولا بانسى
ان ايامي بغيابك
عذاب وهم
وباتعب اكتر
وانا وياكي
باحس بشوقي يقتلني
ولا بايدي اني اطفيه
يا ريتك كنتي ظلمتيني
جرحتيني
بعتي قلبي وجرحتيه
كنت عرفت انساكي
قلبي ما حس الحب بعدك
ولا فيه يوم يعيش
في بعدك
ولا تانية
ولو ثانية
تكون جواه من بعدك
اشتقتلك
اشتقتلك كتير
وانتي مش حاسة
وصعب علي احكيلك حالي
وصعب علي انسى
بتذكري
بتذكري ايامنا سوى
وكيف كان بينا الهوا
يا ترى اللي كان
بعده بقلبك
ويلا ما بقى
وحشتيني
وكلمة صغيرة منك
تكفيني
بتداوي جروحي
وبتحييني
ميرال
عنجد وحشتيني
عيونك دايما ببالي
وصورتك ما فارقت خيالي
اه لو فيكي
تشوفي حالي
انا لغيابك باموت
تفوت ايامي
ومش حاسس انها بتفوت
وعصفور غرامنا
ما بقى له صوت
عنجد انا محتاجلك
ومش قادر احكي
غبتي
وغابت عن شفايفي
طعم الضحكي
شو في
شو في احكي
احكي واقول ليه افترقنا
ولا اقول ليه اتقابلنا
وليه سيبن القصة ناقصة
وما كملنا
سامحيني
حبيت احكي ع حكاية انيني
حكاية اجمل حب
حسيته بسنيني
من يوم اللي افترقنا
ما زرتي حلمي ولا يوم
حتى الحلم ما بشوفك فيه
ما بقيت شوف صورتك بين النجوم
وصوت روحي
ما بقيتي تسمعيه
بيهون عليكي
قلبي بتجرحيه
بتدميه
بتنسيه
ما بصدق
ما اتخيل
بعد اللي كان
بننسى بعض
وكل وعد
وحب ما كان
اله حد
ما بصدق
ما اتخيل
احكيلي وعرفيني
انا اللي خيالي بيعذبني
ولا بعدك عني هوا السبب
انا اللي كبرت بقلبي حب بيقتلني
ولا
الفراق ع قلبي وقلبك انكتب
مين السبب
مين اللي طفا شمسنا
مين اللي سرق حلمنا
انا؟؟؟
انا عيني
ما غفلت يوم عنه
مع اني ما خفت بيوم
متل ما خفت منه
بتعرفي ليه
لانه من عمر قلبي عمره
وسنه من سنه
لو مات بيوم حلمنا
بيموت قلبي
بعد منه
لا
قبل منه
يبقى كيف تغفل
عيني عنه
بحبك
