Author Information
Saan?
Folder:
Poetry in Pilipino sa mundong kwadrado
di mo maiwasan ang
tumingala na lamang
sa kalangitan ng iyong
pangarap
pagmasdan mo -
mga bituing mala-ilaw
sa bintana ng mga kabahayan
sa isang pook na walang hangganan
kumikinang - at sa bawat
kurap ng iyong mga mata'y
tila ba may mga nilalang
na kumakaway sa iyo
nakadaong nakangiti
sila nga kaya ang
may dala ng sagot
sa iyong mga katanungan?
isinalang at inaruga
ng inang buwan
para magbigay liwanag
sa iyong mundong kung saan
ang lamig sa iyong budhi
ay nanunuot
dito - sa madilim
na paraiso ng iyong
kahapon at ngayon
kung saan
ang bukas na iyong nakilala
ay ang kalangitan
matayog at hindi
maaring abutin
di mo matahak
sapagkat sa mundo mong ito
tinutubuan ng
pader ang bawat sulok...
