Author Information
Cordillera...
Folder:
Poetry in Pilipino Tilaok ng manok
ang hudyat ng bagong umaga
malamig na hangin at
halik ng hamog ang babati
payapa at sariwa
kapanalig sa tanghali
ang mga punong pino
dinadayo ng halimuyak
ng kanilang malakarayom
na dahon ang
puso't isipan ko
payong ng kalikasan
na sa init at umaagaw
sa galit na titig
ng nagbabagang araw
ang hapon namay
may hatid na sayaw
sa tuwing uugong
ang awit ng kanyaw
kapatiran ang syang
bulungan sa dap-ay
sanlibong hangarin
iisa ang alay
nasaan na ba ako't
tila di ko na magigisnan
ang liwanag ng gabi
sa kanyang kandungan
tinangay ng agos
sa lupang dayuhan
nais kong mamulat
sa paligid ng Cordillera
nanunuyot nananabik
sa kanyang kalinga...
