Author Information
Matamis na Lason...
Folder:
Poetry in Pilipino ako naman ngayon
ang nakadungaw
sa kawalan
nag iisip nagaabang
ng isang kapangyarihan
na tila ba tutupok
sa apoy ng aking mga
katanungan
sa tuwing bumubuhos
ang mga alaalang
matagal ko nang
ibinaon sa lalim
ng walang hangang
kalimot
sila pa rin ay
kusang umaalpas
kasabay ng aking
pagyakap sa
isang bagay na sa
tingin ng
nakararami ay isang
dakilang kabutihan
ngunit impyerno nga
nakayanan ko
ito pa kaya
ah tang na e
impyerno pa rin naman
ang langit kong ito
sasabog na yata
ang dibdib ko
sa aking pilit na
pagpigil
sa aking pilit na
paglaban
isusuko ko na lang
kahit pa man ito
ang magiging dahilan
ng aking unti unting
kamatayan.
