Author Information
Minsan
Folder:
Some Filipino poems minsan pa
ako'y iyong hagkan
yakapin nang mahigpit
huwag bibitiwan
minsan, isang halik
ay sadyang masusundan
matatamis na sandali
ng iyong pagmamahal
minsan pa
sa ilalim ng buwan
walang pagkukunwari
walang hadlang
minsan, ikaw
ikaw, at ikaw lang
ikaw lang, mahal
sa isipan ay ikaw lang
ang oras ay titigil
ang mundo ay tatahan
sa init na iyong dala
sa aking puso at katauhan
kadalasan, isang tula
ang aking mararamdaman
sa tuwing hihilingin ko
na maulit ang minsan
