Author Information
الجزاير هي اميمتنا
Folder:
أشعار غنائية جزائرية
كلمات الشاعر : لزهر حسناوي
ألحان الأستاذ : عبد الحميد شبيرة
الجزاير هي اميمتنا واحنايا ليها رجــال
ويبارك ربي وحدتنا ونحقق كـــل الآمال
خلونا من قيل وقال
كي الوردة بلادي محلاها فيها آيـات الجمال
ونمتع عيني ببهــــاها ما نفرط فيها محال
خلونا من قيل وقال
واحنايا خاوا يجمعنا تاريخ بكلــو أمثال
بنينا أمجاد وأبدعنا وثورتنا ثـورة أبطال
خلونا من قيل وقال
الوحدة طريق لي يفهـم والفرقة درب الجـهال
وشعبك يا بلادي متحزم عمرو ما يهاب الأهوال
خلونا من قيل وقال
ما عندنا وعلاش نخاف وارادتنا تهــد جبال
رانـا جربنـا بزاف وفهمنا درس النضـال
خلونا من قيل وقال
