Author Information
بختى
Folder:
Family
وايه يعنى تكون الأخت؟
دى حاجه عامله زى البخت
وانا بختى ياربى جميل
تقولش جايالى تفصيل!!
******
بتفهمنى بنظرة عين
وتستحمل غباوتى سنين
ولو حظى معاها كتير
ف ليها حظ معايا قليل.
******
سامحينى على بُعدى
ده بُعدى و الله ما بيدى
ولو خسرانه من بَعدى
أنا خسارتى ماليها مثيل
******
ولو بإديا أتمنى
تجينى اخت من الجنه
هأقول عاوزه انا بختى
ده انا بختى ياربى جميل
تقولش جايالى تفصيل
*******
