Author Information
سامحينى
Folder:
Family
ياما تعبتى عشاننا ياأمى **** وياما سهرتى عشان نرتاح
وياما جرينا عليكى و شيلتى **** كل همومنا ف حضن براح
ومسحتى دموعنا باديكى **** وحولتيها هنا و افراح
ودايما بتقابلينا ببسمه **** تدارى وراها كل جراح
وكل دعاكى ياأمى عشاننا **** ولا بتكللى مسا وصباح
بس ياأمى لما كبرنا **** طرنا بعيد بكل جناح
=====================
لو تعرفى يا حبيبتى ياغاليه **** قد ايه الغربه صعيبه
بس انتى ياأمى دايما **** راح تفضلى من قلبى قريبه
ده انتى النور لحياتى و مالى **** غيرك ف الدنيا دى حبيبه
ولما تكونى بعيده بتبقى **** كل الناس ف عيونى غريبه
====================
سامحينى ياأمى عشان **** مش قادره اكون وياكى
وانا عارفه ان مالى مكان **** غير تحت رجليكى برعاكى
وامسح قلبك م الأحزان **** و الفرحة اقسمها معاكى
ده انتى ف قلبى قبل الزمان **** ولاكان يبقى وجودى لولاكى
وياريتك لو ف الامكان **** تباركى روحى بفضل رضاكى
وبأدعى ربى ف كل أذان **** يحفظك ليا ويرعاكى
**********************
