Author Information
حكايتها
Folder:
Songs ولملمت ف جراحها..... و كمِّلِت سِكِّتها
اللى ضحكتها كانت ..... ماحد بيسكِّتها
م العين هربت دموعها.... ياما زمان مِسْكِتْها
خنقتها
فضلت تحارب فيها.... تحبسها و تموتها
سابِتْها
حفرت على الخدود أخدود ورا اخدود
لَمَسِتها
حست بنارها بتكوى ايدها
ماصدقت لَسْعِتها
كانت دموعها نازله تحرق باقى فتات كرامتها
وقفت قصاد مرايتها
وشافتها
اللى كان كل الصحاب بيحلفوا بقوتها
حلفت ماراح تضعف فى يوم
ولا يوم تبان صرختها
خنقتها نبضة قلبها وبايدها موتتها
مسحت دموعها و شَكِّلِت على وِشَّهَا ضحكتها
ولملمت فى جراحها... وكملت سِكِّتْها
