Author Information
أوصفك
Folder:
Songs ولاعارفه ايه ممكن أقول لو هأحاول اوصفك
لوحكيت ياعمرى عمرى يوم ماهأقدر انصفك
أنا عاشقة ليك قبل الزمان من قبل حتى مااعرفك
اوصفك؟؟
اوصف عيونك و الجمال و اللا لونها و سحرها
و اللا الحنان اللى خطفنى و توهنى ف بحرها
اوصف ايديك اللى بتاخدنى لدنيا عمرى ماشفتها
ترمينى ف بحور الغرام لو مره يوم لمستها
و اللا حلاوة حضن قلبك اللى فى حبك دوقتها
و اللا الحنان و اللا الدفا و اللا مشاعرك كلها
اوصفك ياحبيبى ليه
ده انت الأمانى كلها
اوصفك ياحبيبى ب ايه
احترت و الله ف وصفها
ده انت حكاية عمرى كله
و انت الامل و المنتهى
