Author Information
البُعْد
Folder:
Songs ليه كل مرة بنتقابل
مكتوب علينا نفترق
ليه كل لحظة حب بيننا
غصب عنا بتتسرق
وف النهاية بتروح بعيد
وتسيبلى قلبى بيتحرق
****
يجرى عليك ويندهك زى الغريق
يتمنى تاخده بين ايديك وتوصله لآخر الطريق
يحلفك بغرامه ليك.. يفكرك بحبه البرىء
الوحده مكتوبه عليه كانها موته البطىء
***
هو عارف انك انت مش بايدك تحرمه
من حنان قلبك ولاللحزن يوم هاتسلمه
بس قلبى نور حياته ان قلبك يفهمه
يعشقه ويحن ليه وف عز شوقه يكلمه
***
يارب ساعدنى على بُعْد الحبيب
ده أنا قلبى بيموت ألف مره
لو لحظه عن عينى يغيب
يهون العالم كله عندى
وألاقى الكون عنى غريب
نفسى اشيله جوه قلبى
نفسى يكون دايما قريب
صعبه الحياه ف بعده عنى
وشوقى ليه ألمه رهيب
