Author Information
هاقوللك ايه؟
Folder:
Songs أقوللك ايه يابدر الليالى؟
أقوللك زاد ف هواك انشغالى؟
اقوللك حبك تمللى فى بالى؟
تعرف انا ليه بأسأل سؤالى؟
عشان كان نفسى اقوللك ياغالى
وعينى فى عينك و أنت قبالى
كلمة ماقالها حد بدالى
*****
أقوللك ايه يانور عينيه؟
اقوللك بحبك؟. برضو شوية
ماهو انت عمرى و كل اللى ليا
وكلمة حبيبى دى غالية عليا
لكن كان نفسى فى كلمة قوية
تكون لك لوحدك.. تكون اللى هىّ
*****
هأقوللك قلبى و حياتى معاك
ولو ع الكلام ما هأوفى هواك
(بحبك) قلبى صرخها هناك
فى اول دقيقة فى يوم لقاك
وقاللك حبيبى حياتى فداك
هاقوللك بحبك.. هاقول أهواك
