Author Information
Liwayway Ng Umaga
Folder:
Life/Living Sa silangan bumusilak
Ang pagsikat ng araw sa umaga
Nag-umpisa sa malamig na liwayway
Lumiwanag ang makulimlim na pag-asa.
Ngiting mahalimuyak
Sumilang ang pangarap
Tawa ng kagitingan
Pinasaya kahit anong hirap.
O giliw kong irog
Pagmamahal ay walang kasing-inam
O mahal kong pagsinta
Pag-ibig ay walang kasing-lagamlam.
Mapanglaw na buhay
Kusang pinatay ng makamandag
Na bangungot ng karalitaan
Ay binuhay ng ibayong kasagana-an.
O liwayway ng umaga
Parurubdubin yaring pag-asa
Sa tulong ng maralikang tadhana
Sana ang bukas ay laging masaya.
