PostPoems Be Artistic. Be Creative. Be Inspired!

شفتك على صفحة بحر وسريت انا لك

بمواج عذرا تكحلت وصفه قمرها



الصفحه بيضاء والبياض ماخذ بحالك

و الناس من حولي تناظر مقرها



نزلت على الشاطي  من فوقهالك

الطيب منبتها و الحيا في نحرها



يا قلب شوف الي تلالي اقبالك

منها الضوى ياخد من الروح سرها



الوجنه سمراء و الضفاير دلالك

فيها من اوصاف الغرام وسمرها



لو تعرف الاحزان ويشهو كمالك

صارت على اضفافك وشالت جمرها



ويش الي تقلي يا عنا الي بدالك

ما تسوى شعره هم يحرقك حرها



كاني اشوفك ما تلين رغم الي جرالك

كانت سحابه صيف وكنت لي قمرها



أعرف انا صبرك يعطيني مثالك

ما ترتخي من عثره بها لايام درها



قالت  صبوره قلت ذوبني مقالك

بعضي وقع يوم الغلا عثرت بعماق بسرها



لا يهمك أيام تمضى و الحلا ما بقالك

وشعور غابت صافيه تنطر امرها



لا تستغربي ترى في خاطري حالك

ورب السماء الزرقاء ما خذني اسرها