Author Information
May Lugar ang Pag-ibig sa Ating Mundo
Parang kahapon lamang ika'y natanaw,
Kay bilis ng sandali, puso'y sumayaw,
Ang iyong kagandaha'y nakasisilaw,
Sa kislap ng bituin, ika'y nakikitanglaw.
Danga't ikaw nga ang siyang sinisinta,
Sa tuwi-tuwina'y hanap-hanap kita,
At kapag nakita, O anong ligaya
Nitong pusong sawi, nadarama'y saya.
Ngunit tadhana'y lilo, ako'y nahapis,
Luha sa mata'y bumaba't dumalisdis:
Bakit baga sinta ako'y pinagtiis,
Hirap na ito, di ko man lang ninais?
Kasawiang palad ay agad nahinto,
Ikaw ay nagbalik, buhay ng buhay ko;
Handang patawarin ang pagkukulang mo,
Itayo ang pag-ibig sa ating mundo.
