Author Information
يأبشني الجمال
ضايع .. قلبي ليل قنديلو أنطفى
بظلمتو حبي .. راح غاب .. أختفى
و كل ما من بعيد لمحت خيال
بركض تا عاتبو عا طول الجفى
مين؟ مين انت يا شبح الخيال
و ليش ماشي بدرب و بمشيت حفا
ماشي بليل .. و مشيت الليل الضلال
و عيون عم تبرق مابتعرف الغفا
آخ و لك آخ يأبشبي الجمال
بتسحر .. بتهبل .. و بتزرع بقلبي وفا
و بينبت مطرحو شوق و سؤال
مابيكتفي و لا الشوق بيكون اكتفى ....
********
صافن .. بهمسه غارقه ببحر الظلام
بنظره .. و نظرات قلبي بلا كلام
القلب قلبي كيف عن قلبي غريب
و النار فيه جايعه و عندك طعام
آخ.. صرخت جروحي فوق شهقات اللهيب
نار جروحي نار و قلبي موضع الألام
كلما بخيالي تبسم خيال الحبيب
بضيع بصفن أنا ببحر الأبتسام
غريب عن قلبي سرت أنا غريب
جوات قلبي صاير حرب و سلام
الفرج انشا ء الله صاير قريب
سهران محرم على عيوني تنام .
*******
( لهجة لبنانية )
كلمات : بلال المعلم
24/4/1976
قب الياس
