Author Information
انا استاهل
Folder:
my poem أنا أستاهل
يوم إني حبيتك وهويتك00
ورميت نفسي بين أحضانك
وما اذكر يوم اني شكيتك00
كنت لك بسمتك ودمعتك
وبالفرح صبحتك ومسيتك00
ياما تحملت خطاك
روحي و عمري ف قلبي سميتك00
دوم انا لك اوفي واخلص
وآخر الاخلاص بتنساني
وانا والله يا غالي
عمري يوم ما نسيتك00
كنت اصبر على هجرانك
ودوم لك قلب حنون
دوم قلبي سكنك ومكانك
وف غيابك تصدق بكيتك00
وخليتك اسعد انسان
وملاك ع الدنيا سويتك00
وآه من نارك وظلمك
ويا ليتك بتقدر يا ليتك00
تذكر كيف كانت ايامك
ورد الربيع انت خليتك00
وف البرد اكون غطاك
وباحساسي و انفاسي دفيتك00
كنت الدوا لكل جروحك
وقطعت عن نفسي واعطيتك00
والله في قلبي عيشتك
وياما بحضني خبيتك00
ياما بالحب نورت ايامك
ومن العشق والله سقيتك00
كنت راحتك وضحكتك
وبالهنا دوم غفيتك00
ويا ريتك كنت تفرحني
او مرة تهنيني يا ريتك00
وانا ادللك واهنيك
وما اذكر يوم اني جفيتك00
والحين،
بتنساني وتهجرني
وانا بعمري يا حبيبي فديتك00
تدري وايش قد احبك
تدري وايش قد هويتك00
الحين تراني بودعك الله
واتركك للزمن والايام
صرت من قلبي اكرهك
وروح ارحل تراني نسيتك00
