Author Information
مستغرب ليه
Folder:
my poem مستغرب ليه
مش عجبك حالي و أحوالي
مستغرب إني متغير
مستغرب إني حنساك
حبعد عنك اكتر واكتر00
أنا ياما حذرتك وانت
تنساني وتهملني وتبعد
تجرح قلبي وتقسى وتظلم
وتفوتني ليالي وتتكبر 00
شوف بقا انت ايه جرى إيه
دلوقتي مستغرب ليه
كنت فاكرني حفضل بايدك
خاتم وعلى بعدك مش حقدر00
بقا دلوقتي عشان حنساك
حبعد أنا مبقتش أهواك
زيك أنا حعند وأقوى
وأتغير اكتر وأتجبر000
تعلمت القسوة وياك
انت ياما كنت قاسي
كنت ظالم كنت جارح
ولا عمرك حسيت بإحساسي00
كان قلبي يحن ويعشق
ويسمع همسك وانت بعيد
كل ما فية يصرخ بحبك
من ساسي حتى راسي00
شكرا يا حبيبي وخلاص
هنا خلصت كل الحكاية
كنت ف قلبي أغلى الناس
شفت الهنا وانت معايا00
وح يخلص طريق مشيناه
وأشوف من بعدي حتعمل إيه
حتدوق الويل وتدوق الاه
أنا منك دقته وكفاية00
من غير كلام ولا حتى سلام
أنا حمشي طريق الوداع
مبقاش بينا وعود وأحلام
خلاص أنسى كله اهو ضاع00
قلبي المجروح أنا حداويه
من دنيا العشق أنا حرويه
وانت بقا خليك على نفسك
آخرتك دنيا الضياع00
