زرعتك في قلبي .. سوسنه









حلمي الجميل علي مدي الأزمنه

بنسج خيوطك .. لحظة سكوتك

زرعتك في قلبي .. سوسنه



سكنتني .. أجمل سكن

صبحت أهلي والوطن

كل التاريخ والزمن

تبقي الحياه كدا ممكنه

زرعتك في قلبي سوسنه



حسيت معاك أحلي المشاعر

يا ملهمي .. خليتني شاعر

ومهما كان الدرب واعر

روحي لعشقك .. مدمنه

زرعتك في قلبي سوسنه



شفت ف عينيك طريق طويل

بيلغي كلمة مستحيل

وبسمتك لقلبي الدليل

روحي معاك مطمنه

زرعتك ف قلبي سوسنه

يا حلم الحياه إنت الأمل

كل الجراح بيك تندمل

إنت وديع .. كما الحمل

اليوم ف ظلك ميت سنه

زرعتك ف قلبي سوسنه



حلمي الجميل علي مدي الأزمنه

بنسج خيوطك .. لحظة سكوتك

زرعتك في قلبي .. سوسنه


View abdalla_lawer's Full Portfolio