Author Information
يا بو العيون الفتانة .. عبدالله عبداللطيف
Folder:
من الشعر الغنائي يا بو العيون الفتانة
تشبكنا بعدين تنسانا
قلبك بيلعب بهوانا
وعيونا تفضل سهرانه
يا بو العيون الفتانة
نشتاق إليك ولا بتفكر
تنام وإحنا إللي بنسهر
والقلب يشتاق لك أكتر
وإنت ولا إنت ويانا
يا بو العيون الفتانة
شبكتنا ورحت نسيتنا
يا ريت ما شفناك ولا جيتنا
ولا عرفت طريق بيتنا
دي الدمعة في العين تعبانه
يا بو العيون الفتانة
دا كله من نظرة عينك
كان الهوي بيني وبينك
فين قلبك إنت آه وفينك
دا هواك من المر سقانا
يا بو العيون الفتانة
إن كنت راجع طمنا
ولا إنت ناوي تحرمنا
حبيبي طب ليه تظلمنا
كانت المحبة جمعانا
يا بو العيون الفتانة
بحاول أنسي مش قادرة
يا بو العيون قاسية وغادرة
لسه بحبك .. مش ناكره
لكن عيونك ناكرانا
يا بو العيون الفتانة
