Author Information
مشوار .. عبدالله عبداللطيف
Folder:
من الشعر الغنائي آه يا قلبي يا ماشي المشوار
وحبيبك قاسي وغدار
ليه تخليني أتعب وأحتار
يا معذبني ليل ونهار
آه يا قلبي يا ماشي المشوار
ليه يا قلبي صدقت هواه
وف حبه ما شفت إلا الآه
لا يا قلبي حاول تنساه
دي كاساته مليانة مرار
آه يا قلبي يا ماشي المشوار
آه يا قلبي يا ماشي وحداني
وتاعبني وتعبت زماني
دا حبيبك ولا يوم هناني
ولا طايل جنه أو نار
آه يا قلبي يا ماشي المشوار
آه يا قلبي سهران لياليك
ودموعك أهي ماليه عينيك
وحبيبك ولا سائل فيك
وزمانك أهو لف ودار
آه يا قلبي يا ماشي المشوار
مين قال إن الحب عذاب
وطريق بيتوه لاحباب
وآسية .. وأمل كداب
الحب قلوب الأزهار
بتشارك بعض المشوار
ليه تمشي لوحدك مشوار
آه يا قلبي يا ماشي المشوار
