Author Information
مشتاقة لك .. عبدالله عبداللطيف
Folder:
من الشعر الغنائي رغم مشاعري الجريحة
بقولها لك صريحة
أنا لسه مشتاقة لك
رغم جرحي الكبير
لازال قلبي أسير
كام مرة إشتكي لك
رغم البعد عني
يا روحي يا حته مني
نفسي أخطر ببالك
أنا لسه مشتاقة لك
&&&&&&&&&&&&&&&&&
يا ذكري حلوة عندي
يا حلمي كان ف يدي
يا جرحي في الهوي
تجرحني أقول ومالو
مهما عوازلي قالو
طيب ما هو إنت الدوا
بكره أكيد هترجع
والشوق تاني هيجمع
قلبي وقلبك سوا
&&&&&&&&&&&&
رغم الناس والزحام
بحضن صورتك وأنام
وعيوني تحكي عنك
هصبر .. وهستناك
هتيجي أنا عارفاك
ف يوم هتغلب ظنك
مشتاقة كتير يا شوقي
يا شمسي .. يا شروقي
مشتاقة لكلمة منك
&&&&&&&&&
وجروحي هتداويها
ومشاعري هتدفيها
والفرحة ترجع لينا
والشوق يدوب يدوب
تسهر تاني القلوب
ويهل الفرح علينا
شوقي زرعته ورده
إمبارح والنهارده
تطرح فينا أمانينا
ما أنا لسه مشتاقه لك
