Author Information
محتاجة لك .. عبدالله عبداللطيف
Folder:
من الشعر الغنائي محتاجة لك .. تبقي جنبي .. محتاجة لك
يبقي بالك .. شاغله حبي .. محتاجة لك
تبقي صورتي .. جوه قلبك .. وف خيالك
محتاجة لك
محتاجة تاخدني عينيك
وأدوب شوقي إليك .. وأحس بطعم حنانك
سهرانه وبحلم بيك
عاشقة قمر لياليك .. وزماني هو زمانك
إياك قلبك ينساني
وتفوت قلبي وحداني .. أحسن يتعبني دلالك
محتاجة لك
محتاجة إليك يا زماني
ولقلبك إللي إداني .. فوق عمري عمر جديد
إداني زهور وأغاني
وحنان قلبك خلاني .. أفرح بليالي العيد
حسيت طعم الأيام
وعرف قلبي الأحلام .. وروحي أسرها جمالك
محتاجة لك
محتاجة هواك وقربك
عمري مشيته ف دربك .. ما هو حبك سكتي
أرسم آمالي جنبك ..
أتهني وأعيش ف حبك .. هيه دي أمنيتي
لا هلومك .. أو أعاتبك
بس من حقي أطالبك .. أعرف مين غير حالك
محتاجة لك
